«Հայոց Աշխարհ»-ի հարցազրույցը  «Ղարաբաղ» կոմիտեի անդամ Աշոտ Մանուչարյանի հետ

– Մասոնների ղեկավարները նաև չեն թաքցնում, որ հետա­քրքրված են «հոգևոր զարգացա­ծությամբ հայտնի հնագույն Հայաստանով», ինչո՞վ է նրանց ուշ­ադրությանն «արժանացել» մեր քրիստոնյա երկիրը։

– Հայ ժողովուրդն ունի երկու կարևոր հատկանիշ՝ համադրող և մունետիկ։ Երբ Հռոմի պապն ասաց՝ դուք այս աշխարհի մունե­տիկներն եք, նկատի ուներ այն, որ հոգևոր ազդակները Հայկական լեռնաշխարհից անընդհատ գնա­ցել են դեպի Եվրոպա, դարձել հոգևոր Եվրոպայի միաբանությունների հիմքը, կազմել եվրո­պական մշակույթի կարևոր մա­սը։

Իսկ այսօրվա խուժանությունը, որ մեզ հրամցնում են, ոչ մի առն­չություն չունի բուն եվրոպականի հետ, որի ստեղծմանը մասնակցել ենք մենք՝ աշխարհի ժողովուրդների հետ մեկտեղ։ Ի դեպ, այն, որ Հայաստանը հոգևոր ազդակների աղբյուր է, գիտեն բոլորը՝ բացի մե­զանից։

Հայաստանը նաև եղել է շտե­մարան, մենք ոչ միայն տվել ենք մեր սեփական ազդակները, այլև հավաքել ենք դրանք տարբեր տեղերից, այսինքն՝ մեր մշակույթի մեջ նստած է համադրումը, մենք համամոլորակային համադրող ենք եղել։ Ճապոնիայից մինչև բրիտանական կղզիներ դարեր շարունակ գնացել են հայ հոգևորականները, վաճառական­ները (նրանք այսօրվա չարչի առևտրականների հետ ոչ մի աղերս չունեն), վարպետները՝ իրենց հետ տանելով մեր հոգևոր ազդակները։

Հիմա աշխարհի ուժերը փոր­ձում են օգտագործել հայության այս երկու հատկանիշը։ Մի կող­մում մարդու փրկությանը ձգտող ուժեր են, որոնք օգնում են հայկա­կան համակարգի ուժեղացմանը։ Մյուս կողմում մարդուն խամաճիկ դարձնել կամեցող ուժերն են, սրանք ուզում են տարալուծել, ոչն­չացնել ու բզկտել հայկականը։ Ահա, թե ինչու և՛ մեկին, և՛ մյուսին
հետաքրքրում է քրիստոնյա Հա­յաստանը։

Ցավոք, առաջին բանակը դեռ թույլ է ու անկազմակերպ, քանի որ երկրագնդի վրա երկար ժամանակ աշխատել են դեստրուկտիվ ուժե­րը։ Ու հիմա առաջին անգամ պետք է կտրուկ անցում կատարվի դեպի մարդկայնության ուժերի հաղթանակ։

– Տարբեր երկրներում ստեղծ­ված մասոնական օթյակները գոր­ծում են արևմտյան օթյակների ազդեցության ներքո՝ այնտեղից ստանում հրահանգներ, տալիս հաշվետվություն։ Սա չի՞ նշանակում, որ դրանք տվյալ երկրում 5-րդ շարասյան դեր են խաղում։ Սրան էլ գումարվում է նրանց գաղտնի գործելաոճը, փակ դռնե­րի հետևում կազմակերպվող հա­վաքները թույլ են տալիս մտածել, որ երկրի դեմ թակարդ է լարվում։

– Եթե օթյակը գաղտնիության խորհրդավորություն է ստեղծում, ուրեմն արդեն նրանում անառողջ բան կա: Դրանք չպետք է լինեն այստեղ, հենց միայն այն պատճառով, որ մեզանում ընկալվում են որպես գաղտնի գործող կառույցներ: Ու եթե մեր մեջ հարց է ծագում՝ գուցե դրանք 5-րդ շարասյո՞ւն են մեր երկրում, սա արդեն բացասական երևույթ է:

Այն, որ կան մարդատյաց համակարգեր, որոնք Հայաստանի, Արցախի ու հայության ոչնչաց­մանն ուղղված քաղաքականություն են իրականացնում, ակնհայտ է։ Հիմա դա արվում է մասոնական օթյակների, Բիլդերբերգյան ակումբի թե մեկ ուրիշի կողմից, դա ինձ քիչ է հետաքրքրում։ Փաստն այն է, որ Նաթանյահուն ռազմական մեքենա է պատրաս­տում ու տալիս հայատյացությամբ լցված Ադրբեջանին, դրանով նա Ադրբեջանին լարում է հայության դեմ։

Արքայազն Չարլզը գալիս է Հայաստան, ոսկու հանքերն է «օրհնում», որոնց շահագործումից կթունավորվի մեր Սևանա լիճը, մեր երկիրը կդառնա անապատ։ Մենք պետք է հասկանանք, որ նման քայլերը հայության դեմ ուղղ­ված պայքարի դրսևորումներ են։

Ես տվեցի Նաթանյահուի ու Չարլզի անունները, բայց բոլորո­վին նկատի չունեմ աշխարհի հրե­աներին ու անգլիացի ժողովրդին։ Հակառակը, մենք պետք է կարո­ղանանք բոլոր երկրներում գտնել մեր դաշնակիցներին, քանի որ այդ գործողությունները ոչ թե մի­այն մեր դեմ են ուղղված, այլև բո­լոր ժողովուրդների, այդ թվում անգլիացիների, հրեաների։ Ուրեմն պետք է կարողանանք բոլոր ժողովուրդների հետ աշխատել։

Բայց ամենից կարևորն այն է, որ կարողանանք, նախ, ինքներս մեզ գտնել, մեզ հզոր համախմ­բում է հարկավոր, մեր կյանքի բո­լոր ոլորտներում հարկավոր է գոր­ծել մեկ միասնական օրգանիզմի պես։ Հայաստանի, Արցախի ու աշխարհի հայությունը պետք է գտնի այդ համախմբման հնարա­վորությունը։ Պետք է հասկա­նանք, որ պետք է հենվենք մեր հոգևոր համակարգի վրա, ու այդ հայապահպան համակարգը աղերս չպետք է ունենա դրսի հետ, չպետք է դրսից ազդակներ ստա­նա, քանզի օտար համակարգերը մեզ համար քայքայիչ են։

Հարցազրույցն ամբողջությամբ՝ թերթի այսօրվա համարում