Օգոստոսի 6-ին՝ ժ. 12.00-ին, Երևանի կենդանաբանական այգում տեղի կունենա օրերս Երուսաղեմի բիբլիական կենդանաբանական այգուց տեղափոխված կատվային լեմուրների առաջին հրապարակային ցուցադրությունը: 

5  կատվային լեմուրները (Lemur catta) Երևանի կենդանաբանական այգի են բերվելԵրևանի և Երուսաղեմի կենդանաբանական այգիների միջև կնքված համագործակցության հուշագրի շրջանակում:

Լեմուրներն ,իրենց կենսապայմանների առանձնահատկություններին  համապատասխան, կապրեն կենդանաբանական այգու ջրավազաններից մեկի  կղզյակում:

Կատվային լեմուրները գրանցված են Բնության պահպանության միջազգային միության կարմիր ցուցակում՝ «վտանգված կարգավիճակով»: Վերջիններիս երկրից երկիր տեղափոխումը կարգավորվում է «Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին»  միջազգային կոնվենցիայով, որին Հայաստանը միացել է  2009թվականից:

Կոնվենցիայի հավելվածներում ներառված կենդանիների ներկրումն ու արտահանումը կազմակերպվում է բացառապես CITES թույլտվություններով:

2011 թվականից Երևանի կենդանաբանական այգին համագործակցում է աշխարհի մի շարք կենդանաբանական այգիների և կենդանատեսակների պահպանությամբ զբաղվող կառույցների հետ՝ իրականացնելու իր հիմնական առաքելություններից մեկը՝ անհետացման եզրին գտնվող կենդանատեսակների պահպանությունը: