ArmFootball.com-ը գրում է. Մադրիդի «Ռեալի» նախագահ Ֆլորենտինո Պերեսը հատուկ հրավիրված մամլո ասուլիսի ընթացքում հայտարարել է գլխավոր մարզիչ Ռաֆայել Բենիտեսիպաշտոնանկության մասին:
«Արքայական ակումբի» նոր գլխավոր մարզիչ է նշանակվել Զինեդին Զիդանը, ով նախկինում մարզում էր մադրիդցիների երկրորդ կազմը:
- Ակումբի ղեկավարությունը դժվար որոշում է կայացրել, հատկապես այն բարդ էր ինձ համար: Բենիտեսը հիանալի պրոֆեսիոնալ է ու հրաշալի անձնավորություն: Թիմի նոր գլխավոր մարզիչ է նշանակվել Զինեդին Զիդանը: Ու ես հպարտությամբ կարող եմ ասել, որ նրա համար «անհնար է» բառը գոյություն չունի,- նշել է Պերեսը:
