«Դինամոյի» կիսապաշտպան Արսեն Զախարյանը, ով շուտով կդառնա Սան Սեբաստիանի «Ռեալ Սոսյեդադի» խաղացող, նոր ակումբից բնակարան և անձնական վարորդ կստանա։ Այս մասին հայտնում է «Мутко Против» տելեգրամյան ալիքը։
Աղբյուրի համաձայն՝ 20-ամյա կիսապաշտպանը իսպանական ակումբում մեկ մրցաշրջանում կվաստակի 1,4 միլիոն եվրո, ինչը երկու անգամ գերազանցում է նրա ներկայիս աշխատավարձին մոսկովյան ակումբում:
Զախարյանի գործակալ Պավել Անդրեևը ստացել է 2 միլիոն եվրո միջնորդավճար։
2022 թվականի ամռանը «Չելսին» 12,6 միլիոն ֆունտ էր առաջարկել կիսապաշտպանի համար, սակայն տրանսֆերը չիրականացավ Մեծ Բրիտանիայի կառավարության կողմից սահմանված բանկային սահմանափակումների պատճառով։
