Մարզային Հոգևոր Երգի Փառատոնին ընդառաջ <<Հայ Երգչախմբային Դիրիժորների Ասոցիացիա>>-ի պատվիրակությունը այցելեց Շիրակի մարզ, որտեղ կայացավ հանդիպում Գյումրու <<Իմպրոռիթմ>> վարժարանի, Ա. Բրուտյանի անվան երաժշտական դպրոցի, Շերամի անվան երաժշտական դպրոցի, Ն. Տիգրանյանի անվան արվեստի դպրոցի, Շիշյանի անվան դպրոցի, Ազատանի Ա. Խաչատրյանի անվան արվեստի դպրոց, Ախուրյանի <<Ֆեռմատա>> արվեստի դպրոցի, Ամասիայի արվեստի դպրոցի, ինչպես նաև, Արթիկի Դ. Ղազարյանի անվան երաժշտական դպրոցի երգչախմբերի և դիրիժորների հետ: Գյումրի քաղաքում մասնավոր ուսուցողական խորհուրդներ տվեց փառատոնին մասնակցող մենակատարներին Անահիտ Սարգսյանը, երգչախմբերի հետ վարպետության դասեր անցկացրեցին կազմակերպության փոխնախագահներ Հասմիկ Վարդանյանը և Հասմիկ Ջուլֆալակյանը, իսկ Արթիկ քաղաքում՝ Րաֆֆի Միքայելյանը, որոնք օգնեցին երգչախմբերին և խմբավարներին պատրաստել փառատոնին երգչախմբերի կողմից միացյալ երգվող ստեղծագործությունները: Պատվիրակությունը ալցելեց նաև Հառիճի վանական համալիր ուսումնասիրելու տեղանքը և հանդիպում ունեցավ տեղի վանահայր Հայր Նշանի հետ: Հանդիպման արդյունքում երկկողմանի ոգևորվածությամբ որոշում կայացվեց հոկտեմբեր ամսի երկրորդ կեսին անցկացնել Հայ Հոգևոր Երգի Փառատոնը՝ ընդառաջ Կոմիտասի ծննդյան 145 ամյակին:
«Հայ երգչախմբային դիրիժորների ասոցիացիա»
Կարդացեք նաև` Մեր լավագույն երգչախմբերը մութ և ցուրտ տարիների արդյունք են, սակայն լույսերը վառվեցին... Գայանե Բաղդասարյան
