Քիչ առաջ Հայաստանի ֆուտբոլի ֆեդերացիայի գրասենյակում ավարտվեց ՀՖՖ նախագահ Ռուբեն Հայրապետյանի հանդիպումը երկրպագուների, լրագրողների, հայկական ֆուտբոլով և Հայաստանի ազգային հավաքականով հետաքրքրված անձանց հետ: Մոտ 4 ժամ տևած հանդիպման ընթացքում քննարկվեցին տարաբնույթ հարցեր Հայաստանի ազգային հավաքականի և հայկական ֆուտբոլի խնդիրների, երկրպագուների մշակույթի, մարզական լրագրության, ֆուտբոլային ենթակառուցվածքների և բազմաթիվ այլ հետաքրքրական թեմաների շուրջ: Հանդիպումն անցավ անկաշկանդ և անմիջական մթնոլորտում: ՀՖՖ նախագահ Ռուբեն Հայրապետյանը խոստացավ, որ այսպիսի հանդիպումներն այսուհետ կկրեն պարբերական բնույթ: