Life.panorama.am-ը գրում է, որ երգիչ Արմեն Դավթյանը պատրաստվում է նոր տեսահոլովակ ներկայացնել իր հանդիսատեսին: Այդ մասին կայքին տեղեկացրել է անձամբ երգիչը. «Տեսահոլովակը կնկարահանվի «Օտար ամայի ճամփեքի վրա» երգի համար: Քանի որ այս երգն իմ կատարմամբ ժողովրդի կողմից սիրվեց և հավանության արժանացավ, որոշեցինք նաև տեսահոլովակ տեսքով ներկայացնել: Նոր գործիքավորմամբ և նոտայագրմամբ կմատուցենք: Գործիքավորել է Մելիք Մավիսակալյանը: Երգին բոլորովին նոր շունչ է հաղորդվել: Քանի որ ես Գոհար սիմֆոնիկ նվագախմբի և երգչախմբի մեներգիչ եմ, իմ նվագախմբի հետ էլ որոշեցի հանդես գալ: Շատ ուրախ եմ, որ տեսահոլովակի մեջ իմ առաջարկով ընդգրկված է նաև նվագախումբը: Հպարտ եմ դրանով»:
