Հենրիխ Մխիթարյանը «Facebook»-ի իր պաշտոնական էջում հրաժեշտ է տվել Դորտմունդի «Բորուսիայի» երկրպագուներին:
«Կցանկանայի օգտվել այս հնարավորությունից և շնորհակալություն հայտնել յուրաքանչյուրին «Բորուսիայում»՝ ղեկավարությունից մինչև մարզչական անձնակազմ, իմ թիմակիցներին և, իհարկե, աննկարագրելի երկրպագուներին այն սիրո և աջակցության համար, որ տվել են ինձ անցած տարիների ընթացքում։
Ես երբեք չեմ մոռանա այն ընդհանուր պահերը, որ միասին անցկացրել ենք դաշտում և դաշտից դուրս վերջին երեք տարիներին: Ես ինձ առանձնահատուկ եմ զգում, որ իրավունք եմ ստացել ներկայացրել այս նշանավոր ակումբը և այս հիանալի քաղաքը։
Վերադառնալով իմ արմատներին և հորս ֆուտբոլային կարիերային՝ ես սովորել եմ ընդունել նոր մարտահրավերներ: Իմ ընտանեկան պատմությանը հարգանքի տուրք մատուցելու համար ես պարտավոր եմ անել հաջորդ քայլը իմ կարիերայում և միանալ «Մանչեսթեր Յունայթեդին»։
Եվս մեկ անգամ շնորհակալություն բոլոր հուշերի համար։ Դուք միշտ հատուկ տեղ կունենաք իմ սրտում։
Սիրով՝ Միկի»:
