Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը գոլի հեղինակ է դարձել Ա Սերիայի 25-րդ տուրի՝ «Լեչչեի» հետ տնային խաղում:
Խաղի 37-րդ րոպեին, Ջեկոյի փոխանցումից հետո ձախ եզրում ստանալով գնդակը, Մխիթարյանը դարպասապահի ոտքերի արանքով այն ուղարկել է դարպասը՝ հաշիվը դարձնելով 2:0:
Ավելի վաղ՝ 13-րդ րոպեին, Մխիթարյանն իր ակտիվում նաև գոլային փոխանցում էր գրանցել. նրա փոխանցումից հետո թուրք կիսապաշտպան Ջենգիզ Ունդերը գնդակն ուղարկել էր հյուրերի դարպասը:
