«Մանչեսթեր Յունայթեդի» գլխավոր մարզիչ Ժոզե Մոուրինյոն Եվրոպա լիգայի գավաթը նվաճելուց հետո խոսել է իր թիմի ցուցադրած խաղի և խոստովանել, որ սա իր կարիերայի ամենաբարդ մրցաշրջանն էր:
«Թիմը ուղղակի ֆանտաստիկ էր առաջինից մինչև վերջին րոպեն: Հիանալի կոլեկտիվ ֆուտբոլ ցուցադրեցին, իսկ որոշ ֆուտբոլիստներ էլ փայլեցին անձնական խաղային որակներով, ընդհանուր առմամբ, խաղը մեր վերահսկողության տակ էր: Մրցակցից շատ ավելի ուժեղ էինք:
Ֆուտբոլում պոետները շատ են, սակայն նրանք շատ գավաթներ չեն հաղթում:
Ակումբին արդեն ներկայացրել եմ տրանսֆերների ցանկը, և հաջողություն եմ մաղթում նրանց իրենց նախաձեռնություններում, սակայն ես շատ հոգնած եմ, ինձ այս պահից ֆուտբոլը չի հետաքրքրում, գնում եմ արձակուրդի, չեմ ցանկանում ինչ-որ ընկերական խաղեր դիտել, ես եսասեր եմ, բայց դա արդեն չափազանց կլիներ: Սա իմ ամենաբարդ մրցաշրջանն էր»,-նշել է Մոուրինյոն:
