Բրիտանական Manchester Evening News-ը գրում է, որ «Մանչեսթեր Յունայթեդի» կիսապաշտպան Հենրիխ Մխիթարյանը Եվրոպա լիգայի կիսաեզրափակչի «Սելտայի» դեմ արտագնա հանդիպումը կսկսի առաջին րոպեներից: Մանչեսթերյան ԶԼՄ-ն նշել է նաև, որ Մխիթարյանը Ժոզե Մոուրինյոյի թալիսմանն է Եվրոպա լիգայում:
Հայ ֆուտբոլիստը Եվրոպա լիգայի վերջին 4 արտագնա հանդիպումներում կարողացել է գնդակ ուղարկել մրցակցի դարպասը: Ընթացիկ խաղարկությունում հայ կիսապաշտպանը գրավել է «Զարյայի», «Սենթ Էտյենի», «Ռոստովի», «Անդերլեխտի» դարպասը:
Ավելացնենք, որ ԱՊԼ-ի 34-րդ տուրի «Սուոնսիի» դեմ խաղում Մխիթարյանը խաղադաշտ մտավ հանդիպման 80-րդ րոպեին (1-1):
