Հայաստանի հունահռոմեական ոճի ըմբշամարտի հավաքականի անդամ, աշխարհի 2017 թ. չեմպիոն Մաքսիմ Մանուկյանը բրոնզե մեդալ նվաճեց աշխարհի 2018 թ. առաջնությունում: Բրոնզե մեդալի համար գոտեմարտում Մանուկյանը 4:1 հաշվով դժվարին հաղթանակ տարավ Ռիո-2016 Օլիմպիական խաղերի բրոնզե մեդալակիր, 2011թ. աշխարհի չեմպիոն, իրանցի Սաիդ Աբդվալիի նկատմամբ:

Մանուկյանը հասել էր քառորդ եզրափակիչ: Այնտեղ պարտվել էր թուրք Էմրե Քուշին: Մինչեւ Աբդվալիի դեմ գոտեմարտը նա սփոփիչ գոտեմարտում հաղթեց վենեսուելացի Լուիս Էդուարդո Ավենդանո Ռոխասին: