ԱՊԼ-ի երրորդ տուրում «Մանչեսթեր Յունայթեդը» սեփական հարկի տակ ընդունել էր «Լեսթերին»: Այս խաղում ավելի ուժեղ գտնվեցին տանտերերը և հաղթեցին 2:0 հաշվով:
«Յունայթեդի» կազմում խփած գոլերով աչքի ընկան Մարկուս Ռեշֆորդը և Մարուան Ֆելաինին: Հենրիխ Մխիթարյանը խաղադաշտ էր դուրս եկել մեկնարկային կազմում և հենց նրա փոխանցումից հետո 70-րդ րոպեին Ռեշֆորդը բացեց խաղի հաշիվը: Մխիթարյանը փոխարինվեց 74-րդ րոպեին:
Նշենք, որ դա Մխիթարյանի 5-րդ գոլային փոխանցումն էր ԱՊԼ-ի այս մրցաշրջանում:
«Յունայթեդը» տարավ 3-րդ անընդմեջ հաղթանակը (ի դեպ, բոլորը «չոր» հաղթանակներ) և վստահորեն գլխավորում է մրցաշարային աղյուսակը:
«Մանչեսթեր Յունայթեդ» - «Լեսթեր Սիթի»՝ 2:0
Մարկուս Ռեշֆորդ, 70, Մարուան Ֆելաինի, 82
Չիրացրած 11մ՝ Ռոմելու Լուկակու, 52 (Կասպեր Շմեյխելը հետ մղեց)
