Հայաստանի առաջատար շախմատիստ Լևոն Արոնյանն արդեն բնակություն է հաստատել ԱՄՆ-ում: Այդ մասին տեղեկացնում է chess24.com շախմատային կայքը, որը հատուկ ռեպոտաժ է պատրաստել ամերիկյան Սենթ Լուիս քաղաքից, որտեղ իր ընկերուհու հետ այժմ բնակվում է հայ շախմատիստը: 

Լևոն Արոնյանը նշել է, որ իրեն դուր է գալիս քաղաքը, քանի որ սրճարաններից մեկի փեղկին փակցված է իր լուսանկարը:

Հավելենք, որ մեր շախմատիստը պատրաստվում է փոխել իր շախմատային անձնագիրը և հանդես գալ ԱՄՆ-ի դրոշի ներքո: