Լոնդոնի «Արսենալի» եւ Ֆրանսիայի հավաքականի 30-ամյա հարձակվող Օլիվյե Ժիրուն նշել է, որ կարիերայի ընթացքում առաջին անգամ է գոլ խփել կրնկի հետադարձ հարվածով «կարիճ» ոճով: «Նախկինում երբեք այսպիսի գոլ չէի խփել, առաջին անգամ է: Կարծում եմ՝ կարիերայիս լավագույն գոլն է: Հնարավոր է Հենրիխ Մխիթարյանի գոլը ներշնչել էր ինձ: Այդ իրավիճակում հարվածի այլ տարբերակ չունեի....»,- Օլիվյե Ժիրուի խոսքը մեջբերում է անգլիական Պրեմյեր լիգայի մամուլի ծառայությունը: