Հայաստան ազգային հավաքականի և Դորտմունդի Բորուսիայի կիսապաշտպան Հենրիխ Մխիթարյանը Հայաստանի պատմության մեջ լավագույն ֆուտբոլիստն է: REGNUM գործակալության հաղորդմամբ՝ այսպիսի կարծիք է հայտնել հայտնի ֆուտբոլիստ, Ֆրանսիայի հավաքականի և իտալական Ինտերի նախկին կիսապաշտպան, Եվրոպայի և աշխարհի չեմպիոն Յուրի Ջորկաեֆը:
«Հայաստանի հավաքականն առաջադիմում է»,-նշել է Ջորկաեֆը՝ հավելելով,- «Հիշեք Եվրո 2012-ի նախընտրական փուլը»:
«Մխիթարյանին ես համարում եմ լավագույնը՝ հայկական ֆուտբոլի պատմության մեջ: Նա դեռ երիտասարդ է, ընդամենը 25 տարեկան, բայց հասուն և խելացի խաղ է ցույց տալիս»,- նշել է Ջորկաեֆը:
Գործակալությունը հիշեցնում է, որ Ջորկաեֆն ազգությամբ հայ է, ծնվել է Լիոնում՝ հայկական ընտանիքում, ապա մեջբերում ֆուտբոլիստի խոսքերը.
«Կարող եք ինձ համարել ֆուտբոլի Հայաստանի հավաքականի երկրպագու»:
