Իտալական La Gazzetta dello Sport օրաթերթը կարծում է, որ Միլանի «Ինտերի» գլխավոր մարզիչ Սիմոնե Ինձագին առաջիկայում հայազգի ֆուտբոլիստ Հենրիխ Մխիթարյանին կարող է օգտագործել հարձակման գծում:
«Մալթայում կայացած ընկերական խաղերը ցույց տվեցին, որ Մխիթարյանը բավական հաջող է խաղում հարձակվողի գոտում, կարողանում էր կապ ստեղծել և կիսապաշտպանության հետ, և օգնել մյուս հարձակվողին: Այդ խաղերում նա բավական լավ էր համագործակցում Էդին Ջեկոյի հետ: Մխիթարյանը նաև գոլեր էր խփում:
Հաշվի առնելով այն, որ Լուկակուն դեռ չի վերականգնվել վնասվածքից, Կորեան անկայուն է խաղում, իսկ Լաուտարոն ուշ է վերադառնալու աշխարհի առաջնությունից և հոգնած է լինելու, Սիմոնե Ինձագին հնարավոր է Հենրիխ Մխիթարյանին առաջիկայում օգտագործի որպես երկրորդ հարձակվող: Կարծում ենք, որ Մխիթարյանն ի զորու է փոխել իր խաղային դիրքը, ինչպես դա արել է նախկինում, տարբեր թիմերում», - գրում է Իտալիայի առաջատար օրաթերթը:
Միլանի «Ինտերն» իր առաջիկա խաղն անցկացնելու է 2023թ հունվարի 4-ին, «Նապոլիի» հետ:
Դիտեք նաև՝ Ալեն Սիմոնյանի հարցազրույցը Հենրիխ Մխիթարյանի հետ՝ Asekose.am-ի արխիվից։
