Ինչպես հայտնի է, «Մանչեսթեր Յունայթեդը» դուրս է եկել Եվրոպայի լիգայի գավաթի խաղարկության եզրափակիչ՝ հաղթահարելով իսպանական «Սելտայի» արգելքը: Անգլիական թիմի մրցակիցը լինելու է հոլանդական «Այաքսը»:
Մանկունյական թիմի կիսապաշտպան Հենրիխ Մխիթարյանը Facebook-ի իր պաշտոնական էջում այս առիթով գրառում է կատարել. «Երբ ես երեխա էի, միայն երազել կարող էի մի օր եվրոպական մեծ եզրափակչում հայտնվելու մասին: Շնորհակալություն բոլորին, ովքեր աջակցեցին մեզ երեկ «Օլդ Թրաֆորդում»»,- գրել է նա:
Մխիթարյանը հրապարակել է նաև ներքևում նշված լուսանկարը:
