Շախմատի միջազգային ֆեդերացիայի 88-րդ Կոնգրեսի ընթացքում Հայաստանի շախմատիստներ Հայկ Մարտիրոսյանին, Մանուէլ Պետրոսյանին եւ Արման Միքայելյանին շնորհվել է գրոսմայստերի կոչում: Այդ մասին տեղեկացնում է ՖԻԴԵ-ի պաշտոնական կայքը:
Ռաֆայել Բակունցին շնորհվել է միջազգային վարպետի, իսկ Եվրոպայի մինչեւ 18 տարեկան աղջիկների առաջնության չեմպիոն Սոնա Ասատրյանին՝ կանանց միջազգային վարպետի կոչում:
Հայաստանի շախմատային ֆեդերացիան շնորհավորել է մեր պատանի շախմատիստներին բարձր կոչումներ ստանալու կապակցությամբ եւ մաղթել նորանոր հաղթանակներ:
