Հայաստանի Այկիկենդո կարատեի ֆեդերացիան հերթական անգամ մարտի 8-9-ը մասնակցել է Կոնտակտային մարտարվեստների 2-րդ միջազգային բաց առաջնությանը, որին մասնակցում էին Վրաստանի, Հայաստանի և Ադրբեջանի ներկայացուցիչներ:

Հայաստանը ներկայացնում են 8-16 տարեկան պատանիների և մեծահասակների ֆեդերացիայի հավաքականը` 30 մարզիկով: 

- Մեր մարզիկները ցույց տվեցին բարձր պատրաստվածություն: Ընդհանուր առմամբ գոհ ենք, սակայն նաև նախանշել ենք զարգացման հեռանկարները,- ասել է Դավիթ Աթանեսյանը՝ Այկիկենդո կարատեի ֆեդերացիայի նախագահը:  

Հայաստանի Այկիկենդո Կարատեի ֆեդերացիայի ազգային հավաքականն առաջնությունից վերադարձավ 5 ոսկե/Վահան Ասատրյան,Սաշա Արամյան,Էմմա Ղազարյան,Վարդգես Մաթևոսյան,Էդվին Ավագյան/, 6 արծաթե/ Շահեն Մանուկյան,Համազասպ Շահբազյան, Վահե Վանեսյան, Արմեն Սանոսյան, Հովհաննես Մինասյան, Նարեկ Եսայան/ և 3 բրոնզե/Արթուր Մադոյան, Էմիլ Ավետիսյան,Բենիկ Շահինյան/  մեդալներով:

Հայաստանի այկիկենդո կարատեի ֆեդերացիան գործում է 2004 թվականից: Այս ժամանակահատվածում ֆեդերացիան արդեն ունի Եվրոպայի և Եվրասիայի ոսկե և արծաթե մեդալակիրներ` Վանիկ Պապոյան՝ Եվրոպայի չեմպիոն 36 կգ քաշային կարգում, Մարտին Այվազյան՝ 59 կգ քաշային կարգում, ոսկե մեդալակիր, ֆեդերացիայի անունը բարձր են պահում նաև Տիգրան Դավթյանը, Տիգրան Մխիթարյանը, Հայկ Եսայանը, Արտակ Բաղդասարյանը և այլն: