Երեքշաբթի երեկոյան գտել են ռուս 24-ամյա հաղորդավար Անդրեյ Ռիբակինի դին: Ըստ նախնական վարկածի` վերջինս մահացել է շաբաթ օրը հրազենային կրակոցից: Ուշագրավն այն է, որ որպես գլխավոր կասկածյալ նշվում է Անդրեյի մտերիմ ընկերոջ` Անտոն Գուրվիցի անունը: Նշենք, որ համացանցում հայտնվել է նրանց վերջին համատեղ տեսանյութը, որը ֆիքսել էր Անդրեյի տան մուտքի մոտ գտնվող անվտանգության տեսախցիկը: Թեև պետք է փաստենք, որ տվյալ տեսանյութում որևէ կասկածելի և տարօրինակ բան չի նկատվում: