Ֆրանսիական Մոնակոյի և Կոլումբիայի ազգային հավաքականի հարձակվող Ռադամել Ֆալկաոն դեռ պահպանում է ՄՈՒՆԴԻԱԼ 2014-ին մասնակցելու հավանականությունը, այս մասին հայտարարել է նրան վիրահատող բժիշկը:
- Կարծում եմ նրա Մունդիալին մասնակցության հավանականությունը կգնահատեմ 50%: Առաջիկա երեք ամիսներին ֆուտբոլիստը վերականգնողական կուրսեր կանցնի, որից հետո ամեն ինչ պարզ կդառնա,-հայտարարել է բժիշկ Խոսե Կառլոս Նորոնյան:
Հավելենք, որ ֆուտբոլիստը վնասվածք էր ստացել Ֆրանսիայի գավաթի շրջանակներում կայացած խաղի ժամանակ, որի ընթացքում հասցրել էր նաև գրավել մրցակցի դարպասը:
