Հայտնի ուկրաինացի երգչուհի Անաստասիա Պրիխոդկոն, ով հանդիսանում է ռուսական հայնի նախագծերից մեկի` «Фабрика звезд 7»-ի հաղթողը, հրաժարվել է Ռուսաստանի կողմից արժանացած իր մրցանակներից: Իր նոր` «Ненужные тарелки» տեսահոլովակի շնորհանդեսի ժամանակ, որը նվիրված է ուկրաինացի մարտիկներին, երգչուհին բեմ է բարձրացել մրցանակները ձեռքին` ասելով, որ նա դրանց վրա պարզապես թքած ունի: Անաստասիայի խոսքերով` այս կերպ նա ցանկություն ունի վերջ դնել իր և Ռուսաստաի հարաբերություններին: Նշենք, որ «Ненужные тарелки» տեսահոլովակը Նաստյան պատրաստվում է վաճառքի հանել, որից ստացված գումարը կփոխանցվի ուկրաինական բանակին: Իր խոսքում Պրիխոդկոն չի մոռացել նաև իր «ընկերների»` Վերա Բրեժնևայի, Անի Լորակի և «Վիա Գրա» խմբի անդամների մասին` անվանելով նրանց դավաճաններ այն բանի համար, որ մինչ օրս վերջիններս շարունակում են ելույթ ունենալ Ռուսաստանի համար: