Իսպանիայի առաջնությունը կարելի է արդեն իսկ ավարտված համարել: Վճռորոշ հանդիպումը կայացավ Բարսելոնայի Նոու Կամպ մարզադաշտում, որտեղ Բարսան հյուրընկալել էր Ատլետիկոյին: Բարսելոնան հանդիպումը հաղթելու դեպքում դառնում էր չեմպիոն, մնացած ցանկացած դեպքում Ատլետիկոն չեմպիոն էր:
Հանդիպման 16-րդ րոպեին Դիեգո Կոստան չկարողացավ շարունակել խաղը ու փոխարինվեց: Ընդամենը 6 րոպե անց, անեծքի պես մի բան տիրեց Ատլետիկոյի խաղացողների վրա: Արդա Թուրանը Սեսկի հետ բախումից հետո նույնպես վնասվածք ստացավ ու փոխարինվեց: Այսպես Ատլետիկոն խաղաց մինչև 33-րդ րոպե: Հենց այդ րոպեին, ինչպես ամպրոպն անամպ երկնքում, Ալեքսիս Սանչեսի անսպասելի հարվածը վերածվեց ֆանտաստիկ գոլի՝ 1-0:
Երկրորդ խաղակեսի առաջին իսկ վայրկյանից Ատլետիկոն գրոհեց, առաջին րոպեին հարվածեց դարպասաձողին, իսկ երեք րոպե անց անկյունային հարվածը եզրափակեց Դիեգո Գոդինը. Պինտոյի ցատկն ուշացած էր 1-1:
Խաղն ավարտվեց առանց հաշվի փոփոխության, Բարսելոնան Տատա Մարտինոյի գլխավորությամբ չնվաճեց ոչ մի տիտղոս, իսկ Ատլետիկոն 18 տարվա ընդմիջումից հետո Իսպանիայի չեմպիոն է:
Բարսելոնա 1-1 Ատլետիկո Մադրիդ
Սանչես 33՛ : Գոդին 48
| # | ԹԻՄԵՐ | Խ | Հ | Ո | Պ | ԽԳ | ԲԳ | +/- | Մ |
|---|---|---|---|---|---|---|---|---|---|
| 1 | Ատլետիկո Մադրիդ | 37 | 28 | 5 | 4 | 76 | 25 | +51 | 89 |
| 2 | Ռեալ Մադրիդ | 38 | 27 | 6 | 5 | 104 | 38 | +66 | 87 |
| 3 | Բարսելոնա | 37 | 27 | 5 | 5 | 99 | 32 | +67 | 86 |
| 4 | Ատլետիկ Բիլբաո | 37 | 20 | 9 | 8 | 66 | 39 | +27 | 69 |
| 5 | Սևիլյա | 37 | 17 | 9 | 11 | 66 | 51 | +15 | 60 |
| 6 | Սոսյեդադ | 37 | 16 | 11 | 10 | 61 | 53 | +8 | 59 |
| 7 | Վիլյառեալ | 37 | 16 | 8 | 13 | 58 | 43 | +15 | 56 |
| 8 | Սելտա | 37 | 14 | 7 | 16 | 48 | 52 | -4 | 49 |
| 9 | Լևանտե | 38 | 12 | 12 | 14 | 35 | 43 | -8 | 48 |
| 10 | Վալենսիա | 37 | 12 | 10 | 15 | 49 | 52 | -3 | 46 |
