«Ուշ է հիմա» երգի տեսահոլովակն ու բառերն այս տարվա «ամենադաստիարակվածն են»: Այս երգը ես մի անգամ էի լսել ու այդպես ուշադրություն չէի դարձնում: Կյանքիս էս փուլի ամենակարևոր խորհրդատուի` քրոջս շնորհիվ, ես «բացահայտեցի» Արմոյի` «Ուշ է հիմա» երգը, ուշադիր լսեցի բառերն ու տեսա հոլովակը:
Անկեղծ ասած դրանից հետո, ես հատուկ սկավառակ եմ «հավաքել», որը բաղկացած է երկու երգից` Արմոյի այս երգն ու Պեպելյանի «իմ ընկեր» երգը: Այդ սկավառակը այժմ իմ մեքենայի մեջ է ու անընդհատ այդ երկու երգն եմ լսում (հենց մեքենա տեսնեք, որ այս երգն անընդհատ լսվում է, ապա իմացեք դա ես եմ):
Այո, այս երգն ու տեսահոլովակն այս տարվա «ամենադաստիարակված» երգն է ու տեսահոլովակը. տեսահոլովակում ոչ մի ավելորդություն, շքեղություն չկա, «անդաստիարակ» բան չկա, երգի բառերը հասկանալի են, իմաստալից ու լսվող... իսկ երաժշտությունը «թեթև» ու ականջ «Չծակող»:
Ինչո՞ւ եմ, ես սենց հատուկենտ երգերին անդրադառնում, որովհետև ուրախանում եմ, որ մի մեծ աղբանոցի մեջ տեսնում ես փայլող բան ու ուզում ես բոլորի հետ կիսվես:
Ապրի Արմոն շատ ճաշակով գործ է արել:
Անկախ Հայաստան ֆեյսբուքյան էջ
