Այս շաբաթ ամերիկյան People և բրիտանական Hello ամսագրերի շապիկներին հայտնվել է հոլիվուդյան ամենագեղեցիկ և ամենաամուր զույգերից մեկի` Բրեդ Փիթի և Անջելինա Ջոլիի, հարսանյաց արարողության որոշ լուսանկարներ: Ամուսինները հենց այս ամսագրերին են վաճառել իրենց հարսանյաց ֆոտոշարքը, իսկ թե կոնկրետ որքանով են վաճառել, դեռևս չի նշվում: Նշենք, որ ամբողջական ֆոտոշարքը ամսագրերը կներկայացնեն օրերս:
Տեղեկացնենք, որ Անջելինա Ջոլիի հարսանյաց զգեստի հեղինակը Versace նորաձևության տան դիզայներներն են: Ի դեպ` Ջոլիի զգեստի վրա արված մանկական լուսանկարները հենց նրա երեխաների ձեռքի աշխատանքն է, ինչը, շատերի կարծիքով, բավական անսովոր և հետաքրքիր լուծում է:
Հիշեցնենք, որ Անջելինայի և Բրեդի պսակադրության արարողությունը տեղի է ունեցել անցած շաբաթ Ֆրանսիայի Միրավալ դղյակում:
