footballcity.am: Ալբանիայի մայրաքաղաք Տիրանայում ավարտվեց Ալբանիա-Հայաստան հանդիպումը: Հանդիպման սկզբնամասում մեր հավաքականի տղաներն ապավինում էին հեռահար հարվածներին, սակայն Մարկոսի և Գևորգ Ղազարյանի հարվածներն ուղիղ դարպասապահի վրա էին: Հանդիպման 21-րդ րոպեին աջ եզրից կատարված փոխանցումից հետո պաշտպանների հսկողությունից դուրս մնացած Վալդետ Ռաման անդրադարձի օգնությամբ բացում է խաղի հաշիվը: Բաց թողած գոլից հետո տարածքային առավելությունն ամբողջովին անցնում է մեր կողմը, սակայն գրոհի վճռորոշ մասում պակասում էին վերջին փոխանցումները, իսկ հեռահար հարվածներն անհաջող էին: Մրցակիցը, հակագրոհների ժամանակ, շարունակում էր ապավինել աջ եզրով ճեղքումներին: Լևոն Հայրապետյանի եզրը բավականին դյուրանցանելի էր մրցակցի համար: Ալբանիայի ընտրանուն հաջողվում է «քնեցնել» խաղը և այսպես մինչև առաջին խաղաեսի ավարտ… 2-րդ խաղակեսի հենց մեկնարկում Գևորգ Կասպարովը խաղադաշտ դուրս եկավ Ռոման Բերեզովսկիի փոխարեն: Մեր պաշտպանները 2-րդ խաղակեսում էլ շարունակում էին աչքաթող անել մրցակցի հարձակվողներին, սակայն վերջիններս հապաղելու պատճառով չէին կարողանում նպաստավոր դիրք դուրս գալ: Տպավորություն էր ստեղծվում, որ ընթանում է 1-ին խաղակեսը, քանի որ մեր ընտրանու ֆուտբոլիստները չեն փորձում նոր գործողություններով աչքի ընկնել: Հանդիպման 59-րդ րոպեին Մարկոսի փոխարեն խաղադաշտ դուրս եկավ Արթուր Սարկիսովը: 67-րդ րոպեին փոխարինման մտած Կաչայի՝ հեռու տարածությունից կատարած ուժգին հավածը դիպուկ էր՝ 0:2: Այս գոլը ավելի վստահ դարձրեց դաշտի տերերին և այդիսկ րոպեից խաղը, կոպիտ ասած, ավարտվեց մեզ համար: Տիրելով կենտրոնին՝ ալբանացիներն անգամ հակագրոհելու հնարավորություններ չէին տալիս մեր հավաքականի ֆուտբոլիստներին: Բազում փոխարինումներ, որոնք ոչ մի ազդեցություն չէին թողնում խաղի ընթացքի վրա: Վերջ. մրցավարը ի ուրախություն, Հայաստանի հավաքականի ֆուտբոլիստների և երկրպագուների, վերջ է տալիս մի հակասական խաղի, երբ մրցակցի կարգապահությանը մենք պատասխանեցինք անհավես, անփույթ ու անկազմակերպ խաղով…