Սնվելու ճիշտ ռեժիմի ընտրությունը սննդի որակից ու կալորիականությունից պակաս կարևոր չէ: Սակայն ինչպես ճիշտ կազմել անձնական սննդառեժիմը, որպեսզի այն համապատասխանի ձեր կյանքի ռիթմին ու զբաղվածությանը: Գիտնականները բացահայտել են, որ յուրաքանչյուր մարդ, ունի ներքին ժամացույց, իսկ ամենահայտնի երկու տեսակները կոչել են ճնճղուկ և բու: Ճնղճղուկները, նրանք են, ովքեր շուտ են արթնանում, իսկ բուերը, ովքեր մահճակալից չեն կարողանում ՛՛պոկվել՛՛:
Այսպես կոչված բուերի ստամոքսը սկսում է գործել արթնանալուց 2-3 ժամ անց, դա է պատճառը, որ ուշ արթնացնողները չեն շտապում ուտել: Փոխարենը այդ տեսակի մարդիկ ճաշի ժամին լավ ախորժակ են ունենում: Այսպես կոչված, ճնճղուկների դեպքում, իրավիճակը այլ է. առավոտյան ախորժակը մեծ է, իսկ ճաշի ժամին ուտելու ցանկություն գրեթե չկա: Ինչևէ, ինչպես կազմել ճիշտ սնվելու ձեր ռեժիմը:
Նրանք, ովքեր աշխատում են, գրեթե միշտ ինչ-որ բան են ուտում կամ սուրճ են խմում, երբ ստացվի ու ինչպես ստացվի, սակայն նույնիսկ այս ՛՛թեթև՛՛ սննդի ընդունումը հարկավոր է կարգավորել, որպեսզի աշխատունակությունը չընկնի, ստամոքսի աշխատանքը չխաթարվի ու ավելնորդ ճարպեր չկուտակվեն: Ցանկալի է, առաջին սննդի ընդունումից մինչև հաջորդը ընկած ժամանակահատվածը լինի 3 ժամ: Օրինակ, եթե դուք կերել եք առավոտյան 8-ին, հաջորդ սննդի ընդունումը պետք է լինի ժամը` 11-ին: Միաժամանկ, կարևոր է, թե երբ, ինչեք կերել: Եթե առավոտյան նախաճաշին կերել էիք մեկ հատ բուտերբրոդ, ապա երեք ժամ անց պետք է ուտել կալորիական ուտեսներ, օրինակ կաթնաշոռ, տարբեր տեսակի շիլաներ, ու կաթնամթերք: Եթե, առավոտյան տեղը տեղին նախաճաշել եք, ապա լանչին հարկավոր է ուտել թեթև, բայց օգտակար սնունդ. Օրինակ մրգեր կամ ասենք սուրճ` մեկ կտոր շոկոլադով: Իսկ հացաբուլկեղեն կամ օրինակ պիցցա, բուտերբրոդներ խորհուրդ չի տրվում: Այն միայն կնպաստի, որպեսզի ավելանան ճարպերը, իսկ սննդային հավելումները օրգանիզմին չեն հասնի: Աշխատանքի ընթացքում օգտակար է թեյ խմելը, այն կօգնի խուսափել աղիքային խցանումներից, ինչից հաճախ տառապում են նստակյաց աշխատանք կատարողները:
Ետլանչային ուտելու ժամին ճաշացանկը պետք է հարուստ լինի սպիտակուցային բաղադրությամբ սնունդով. Ցանկալի է, որ ուտեք կաթնամթերք կամ բանջարեղեններով աղցան: Հաճախ կանայք, որոնք դիետա են պահում չեն ճաշում, որպեսզի չխախտեն դիետան: Սակայն, եթե դուք նոր եք սկսում դիետա պահել և ձեր դիետան թույլ չի տալիս ճաշել, ապա դա չի նշանակում, որ ավելի դրական ազդեցություն կունենա ձեր սովորական ամենօրյա գրաֆիկի խախտումը, քան դիետայի խախտումը: Ստամոքսը սովորում է մարդու անհատական գրաֆիկին և նույն ժամերին սկսում է արտադրել մարսողության հյութ, ինչը ուժեղացնում է սովի զգացողությունը: Բացի այդ այն ազդում է նաև ստամոքսի առողջության վրա, բորբոքելով ստամոքսի պատերը: Այնպես որ նույնիսկ, եթե դիետա եք պահում, ապա աշխատեք չխախտել ձեր սննդային ռեժիմը:
