«Ցանկանում եմ անդադառնալ ԿԲ փոխնախագահի ներկայացրած մի շարք դիտարկումներին, որոնք, ըստ էության, թույլ են տալիս եզրակացնել, որ ԿԲ-ն ոչ միայն Սահմանադրությամբ սահմանված իր լիազորություններից դուրս է եկել, այլ նաև չներկայացնելով երկարաժամկետ կտրվածքով որևէ թիրախային հիմնավոր ծրագիր՝ փաստորեն հայտարարությունների մակարդակով փորձում է ստեղծել տպավորություն, թե իբր այս համակարգը կայուն է, և պարտադիր բաղադրիչն այլընտարանք չունի, սակայն դա այդպես չէ»,- այս մասին հայտարարեց ԱԺ ՀՅԴ խմբակցության պատգամավոր Արծվիկ Մինասյանը՝ ՍԴ-ում եզրափակիչ ելույթի ժամանակ:
Անդրադառնալով պատասխանող կողմի հնչեցրած փաստարկներին՝ պատգամավորը նշեց.
«Այստեղ այնպիսի տեսակետ հնչեց, որ կամավոր ֆոնդերը 2010 թվականից ներդրված են: Սա բացարձակապես իրականությանը չի համապատասխանում, բարձր դատարան: Պարզ ուսումնասիրությունը ցույց է տալիս, որ կամավոր կենսաթոշակային համակարգի վերջին իրավական ակտը, որը կարող էր թույլ տալ մասնավոր կազմակերպություններին դիմելու լիցենզավորման համար, ընդունվել է 2013 թվականին: Առաջին ֆոնդը գրանցվել է 2013-ի առաջին եռամսյակից հետո»:
Արծվիկ Մինասյանը նշեց, որ նախորդ դեռ նախորդ նիստի ժամանակ ակնկալում էին, որ պատասխանող կողմը կներկայացնի պարզ թվային փաստեր, հիմնավորումներ, սակայն պատգամավորի խոսքով.
«Ինչպես տեսանք՝ ոչ ոք ոչինչ չներկայացրեց: Այն հարցադրումները, որոնց պատասխանները պետք է հնչեին, այդպես էլ չստացանք»:
