Զբոսաշրջությունը տնտեսության գերակա ճյուղ հայտարարած կառավարության ՝ տուրիզմի պատասխանատուն արդյոք այցելե՞լ է Երևանին մոտ գտնվող և տուրիստական հանգրվան դառնալու ներուժ ունեցող Աշտարակ քաղաք և հասկացել, թե ինչն է խոչըդոտում իր ղեկավարած բնագավառի զարգացմանը:
Աշտարակի ձորում, որտեղ գտնվում է ճարտարագիտական տեխնիկայով կամրջաշինության լավագույն օրինակներից համարվող կամուրջը, ամենուր աղբ է՝ պլաստմասե շշեր ու ցելոֆաններ: Կարելի էր կարծել, որ աղբահանությամբ պետք է զբաղվեին այստեղ գործող ռեստորաններն ու հանգստի գոտիների տերերը,սակայն պատկերն այլ բան է ապացուցում:
Ի դեպ, կամուրջի մոտ կամ վրա՝ 16-րդ դարի գեղեցիկ այդ շինության մասին որևէ ծանուցող ցուցանակ չեք գտնի, փոխարենը՝ ռեստորանների գովազդներն են... Մի՞թե այսպես են զարգացնելու զբոսաշրջությունը Հայաստանում ոլորտի պատասխանատուները:
Ա.Գրիգորյան
