Համացանցում տեղեկություն է հայտնվել այն մասին, որ հայտնի հոլիվուդյան դերասան Հարիսոն Ֆորդը լրջորեն վնասվածք է ստացել Լոս Անջելեսի մոտ թեթև շարժիչով օդանավի վթարի հետևանքով: Դերասանը վայրէջք է կատարել գոլֆի դաշտում: Վթարից հետո 73-ամյա դերասանին շտապ տեղափոխել են հիվանդանոց, որտեղից հաղորդել են, որ ներկայումս նրա վիճակը կայուն է: Ըստ որոշ ականատեսների՝ Ֆորդը լրջորեն տուժել է, մասնավորապես, բազմաթիվ խորը վնասվածքներ է ստացել գլխի շրջանում:
Նշենք, որ ավելի քան 20 տարի է, ինչ Հարիսոն Ֆորդը թռչելու փորձ ունի:
