Ակտիվիստ Էդուարդ Հայրումյանի ֆեյսբուքյան իր էջում տեսանյութ է հրապարակել՝ կից գրառմամբ. «Երեկ Բյուրեղավանի համայնքապետարանի պաշտոնյաների հանցավոր անգործության պատճառով կյանքից հեռացավ 6-ամյա մի հրաշք բալիկ, ում գլխին էր ընկել խաղասարքը։
Արդյո՞ք Երևանի խաղահրապարակներն ավելի ապահով են և մեր երեխաներն անվտանգ են այդտեղ։
Իհարկե ո՛չ, ես մինչ այս բազմիցս խոսացել եմ այդ թեմայով և ցուցադրել վտանգավոր խաղասարքերը՝ տեղադրված կամ անտեսված Երևանի քաղաքապետարանի կողմից։
Այս տեսանյութի խաղահրապարակը գտնվում է Նորք-Մարաշ վարչական շրջանի Արմենակյան փողոցում՝ հենց թաղապետարանի կողքը։
Արդեն մոտ մեկ տարի է, ինչ ճոճանակը ջարդված է, իսկ սղարանի այս վիճակը 2 ամսվա պատմություն ունի։
Տեսանյութն ինձ ուղարկողը պատմեց, որ օրեր առաջ մի երեխա վերևից ընկնում էր և ինքն է կեսից բռնել։
Սա ոչ այլ ինչ ա, քան թաղապետարանի և քաղաքապետարանի պաշտոնյաների հանցավոր անգործության արդյունք»:

***

***

Բլոգեր Արամ Գևորգյանի ֆեյսբուքյան գրառումը․ «Արցախցի էս պստոն մահացավ համայնքային կառավարման բարդակի ու անտերության հետևանքով. Բյուրեղավանի 1-ին Բ թաղամասի խաղահրապարակում դժբախտ դեպք է տեղի ունեցել․ 100 տարվա մանկական երկաթյա կոնստրուկցիայով սղարանը, որը ոչ մի ձև ամրացված չէր եղել, ընկել էր 6-ամյա երեխայի գլխին։ 6 օր շարունակ բժիշկները պայքարում էին փոքրիկի կյանքի համար, բայց ավաղ, ապարդյուն...
Լույսերի մեջ մնաս, պստո ջան...»։