Օգոստոսի 3-ին «Հաղթանակ» զբոսայգում կայացել է «ArmFC-17» վարկանիշային մրցաշարը:
Մրցաշարին մասնակցել են հայ, վրացի և իրանցի մարզիկներ: 13 մենամարտից 8-ը ավարտվել է հայերի , 2-ը՝ իրանցիների և 3-ը՝ վրացիների հաղթանակով:
Ողջ ընթացքում, անհամաձայնություններ և դժգոհություններ չեն գրանցվել որևէ մեկի կողմից:
Asekose.am-ի թղթակցի հետ զրույցում Պրոֆեսիոնալ Արմֆայթինգ Ֆեդերացիայի նախագահ Հայկ Ղուկասյանն ասաց.
«Պետք է առաջ շարժվել. Մենք լուրջ հաջողությունների հասնելու ճանապարհին ենք: Հանդիսատեսը տարին 4-6 անգամ նման մրցաշարերի ականատես կլինի,սակայն, ավելի մեծ դահլիճներում»:
Արտերկրից ժամանած մարզիկներն, իսկապես, ուժեղ էին և մարզիկների երկրպագուները, շունչները պահած սպասում էին, թե հաղթանակն ի վերջո, ում օգտին կգրանցվի:
«ArmFC-17»-ի մրցավարը Ալբերտ Ղազարյանն էր, ով բավականին արդար ու գեղեցիկ վարեց մենամարտերը:
«Առաջին անգամ չեմ դատում մենամարտերը: Բոլոր մարզիկներն էլ ուժեղ էին, և մեկ վայրկյանի ընթացքում մարտի ընթացքը ամբողջովին փոխվում էր: Մենամարտի ժամանակ շատ կարևոր է լսել մարզչի խորհուրդները »,-ասաց նա:
ԱրմՖայթինգ ֆեդերացիայի նախագահ Հայկ Ղուկասյանը մրցաշարի ավարտին հայտարարեց, որ Վրաստանը ներկայացնող Շոթա Բեթլեմիձեն,ով հաղթող ճանաչվեց իրանցի մարզիկի հետ մենամարտում , այսուհետ կներկայանա հայկական դրոշի ներքո:
Ընդհանուր մենամարտերի սիրահարներին տեղեկացնենք, որ հաջորդ մրցաշարերը տեղի կունենան հոկտեմբերի 15 –ին և դեկտեբերի 24 –ին, որտեղ կմասնակցեն նաև Ղրղզստանի, Ռուսաստանի, Տաջիկստանի և այլ եկրների մարզիկներ: