Սփյուռքի նախարարի երազն՝ առանց Մշակույթի նախարարի մասնակցության
Կառավարության նիստից առաջ Հրանուշ Հակոբյանը անհանգիստ շարժումներ է անում...
Վարչապետի՝ կառավարության նիստերի սրահ մտնելուն պես Սփյուռքի նախարարը կանգնում է և կանգնած մնում նաև Կարեն Կարապետյանի նստելուց ու նախարարներին ուղղված՝ «նստեք խնդրեմ» հրահանգից հետո:
-Նստեք, տիկին Հակոբյան, ինչու՞ եք կանգնած մնացել,-հարցնում է Կարեն Կարապետյանը:
-Գիտեք, պարոն վարչապետ, մեր սիրելի կառավարության աշխատանքին ես այսօր որոշել եմ վերևից հետևել, ինչպես ասում են՝ «թռչնի բարձրությունից», քանի որ գեղեցիկը պետք է գնահատել ամեն կողմից ու հատկապես վերևից...
-Ամեն դեպքում՝ դուք կհոգնեք, տիկին Հակոբյան, որովհետև այսօր մենք բազում հարցեր ունեք քննարկելու կառավարության նիստի օրակարգում՝ 46 հարց, պատկերացնու՞մ եք...
-Անհոգ եղեք, պարոն վարչապետ, այն դրայվը, որ դուք փոխանցել եք մեզ, ի սպառ վերացրել է մեր մեջ հոգնելու հատկանիշները...
-Տիկին Հակոբյան, անհնար է չհոգնել, ամեն դեպքում, նույնիսկ ես եմ երբեմն հոգնում..
- Իսկ ես ոչ, ես այսօր առույգ եմ , քան երբևէ և այսուհետև այսպես է լինելու միշտ...
-Տիկին Հակոբյան, կարո՞ղ է ինչ-որ բան եք խմել՝ դոփի՞նգ ենք օգտագործել...
-Պարոն վարչապետ, դա էլ նոր կոնյա՞կ է,եթե անկեղծ լինեմ՝ վստահ լինելով, որ հասցրել եք կարդալ ասեկոսեները, իրականում իմ խմածը «Դոփինգ» չէր, այլ 20 տարվա «Նաիրի»...
-Ե՞րբ, որտե՞ղ, տիկին Հակոբյան...
-Մեր պատշգամբում, պարոն վարչապետ:
-Ձեր տա՞ն պատշգամբում:
-Ոչ, իմ ու Արմեն Ամիրյանի պատշգամբում:
-Տիկին Հակոբյան, ես Ձեզ լավ չեմ հասկանում, ձեր և Մշակույթի նախարարի պատշգամբը նու՞յնն է...ե՞րբ էր դա՝ երեկոյա՞ն:
-Ոչ, երկուշաբթի, ցերեկը...
-Օօօ . տիկին Հակոբյան, կոնյակ՝ ցերե՞կը, դա «էսթետիկ» չէ ու բացի այդ՝ դուք , փաստորեն, ալկոհոլ եք օգտագործել աշխատանքային ժամի՞ն...
-Ընդամենը մեկ-երկու բաժակ ու , կրկնում եմ, պատշգամբում, Արմենի հետ՝ գարնան շունչը ըմբոշխնելով...
-Տիկին Հակոբյան, ախր՝ մարտի 6, աշխատանքային ժամ, գոնե մարտի 8 լիներ ու երեկո...վերջ, կասեք մի դիմում էլ Արմեն Ամիրյանը գրի...,-եզրափակում է Կարեն Կարապետյանն ու կառավարության նիստի օրակարգ մտցնում թիվ 47-րդ հարցը՝ Մշակույթի և Սփյուռքի նախարարների պատշգամբների միջև արգելափակոցը վերականգնելու նախագիծը:
Հեղինակ՝ Ա. Գրիգորյան
Լուսանկարները՝ Առավոտ օրաթերթի