Երևանում, հունվարի 21-ին, թալանել են դերասան Արտաշես Ալեքսանյանի բնակարանը, որը գտնվում է Նոր Նորքի 9-րդ զանգվածում:
Asekose.am-ի թղթակցի հետ զրույցում դերասանը նշեց, որ տունն ամբողջովին թալանված է՝ կոտրել են երկաթե վանդակաճաղը, այնուհետև բացել տան դուռը և այնտեղից գողացել ոսկյա զարդեր, որպես մրցանակ ստացած կրծքանշանները, հեռուստացույցը և շատ այլ իրեր.
«Գործ է հարուցվել, հույսով եմ կգտնեն ու իրենց արժանի պատիժը կստանան հանցագործները»:
Դերասանը նաև հավելեց, որ չունի թշնամիներ և պատկերացում չի կարողանում կազմել, թե ում ձեռքի գործն է դա եղել:
Հեղինակ` Անահիտ Հարությունյան
