««Զանգեզուրի միջանցքը» նոր հաղորդակցության կապ կստեղծի Եվրասիայում տրանսպորտային և տարանցիկ ներուժի աճի համար», Թեհրանում «3+3» ձևաչափի շրջանակներում կայացած հանդիպման ժամանակ ասել է Ադրբեջանի արտգործնախարար Ջեյհուն Բայրամովը։
Նա ընդգծել է Իրանի տարածքով այսպես կոչված «Արևելյան Զանգեզուրի տնտեսական շրջանի» (Արցախի օկուպացված տարածքներ – խմբ․) և Նախիջևանի միջև տրանսպորտային կապի ստեղծման ոլորտում քայլերի կարևորությունը։
«Ենթակառուցվածքային նախագծերի շուտափույթ ավարտը և այդ երթուղու գործարկումը կծառայեն տարածաշրջանում երկու երկրների միջև փոխշահավետ համագործակցությանը»,- նշել է հակառակորդ երկրի բարձրաստիճան պաշտոնյան։