Ավելի վաղ տեղեկացրել ենք, որ  Թբիլիսիից ստացած  տեղեկությունների համաձայն՝ «Ալեքս Իվենթ» ընկերության կողմից  դեռ սեպտեմբերին Թբիլիսիի պետական ֆիլհարմոնիայի դահլիճում  նախատեսված Իրինա Ալեգրովայի համերգը տապալվել էր: Կազմակերպիչները    պատճառաբանել էին, թե իբր տոմսերը չեն վաճառվել: Թբիլիսիից մեր զրուցակիցները սակայն, նշել էին, որ տոմսերի վաճառքը շատ լավ է իրականացվել՝  վստահեցնելով, որ իրենց շրջապատում բազմաթիվ մարդիկ անգամ 2-3 տոմս են գնել:

Թբիլիսիից մեր ընթերցողներն ահազանգել էին՝ ASEKOSE.am-ի հետ զրույցում հայտնելով իրենց մտավախությունը, որ կազմակերպիչները կարող են տոմսերի գումարներն այդպես էլ չփոխհատուցել, նաև շեշտելով,  որ պատրաստվում են ոստիկանություն դիմել՝ փոխհատուցման պահանջով:

Մեր հոդվածի ներքո, սակայն, հենց հրապարակման օրը «Forpostar» ընկերության/ այս ընկերությունն ու «Ալեքս Իվենթ»-ը, թերևս, պատկանում են նույն մարդուն` Զառա Մխեյանին/ PR  մասնագետը «սպառնալից» մեկնաբանություն էր  թողել նյութի ներքո՝  մեզ դասեր տալով, մեր բարձրաձայնած խնդիրը որակելով որպես «պատվեր» ու նույնիսկ խոստանալով մեզ  դատի տալ: 

Սակայն հենց նույն հրապարակման ներքո` Իրինա Ալեգրովայի  տապալված  համերգի տոմսեր գնած ազգությամբ թե հայ, թե վրացի քաղաքացիները մեկնաբանություններ են  թողել`շեշտելով, որ իրենք հոգնել են սպասելուց ու պահանջում են շտապ վերադարձնել իրենց գումարները:

Ի դեպ՝ Թբիլիսիում ապրող մեր ընթերցողները դեռ շարունակում են ահազանգել և սպասում են տոմսերի գումարների փոխհատուցմանը:   

Լուսանկարներում՝ մեր հրապարակման ներքո տեղ գտած մեկնաբանություններն են և «Ալեքս Իվենթ»-ի գլխավոր տնօրեն Զառա Մխեյանի նամակը՝ Թբիլիսիի պետական ֆիլհարմոնիայի դահլիճի տնօրենին: Նամակում, որ, թերևս, գրվել է մեր հրապարակումից հետո,  նշված է, որ վաճառված տոմսերի գումարները դեկտեմբերի 7-ին, Թբիլիսիի պետական ֆիլհարմոնիայի դրամարկղից, վերադարձվելու են քաղաքացիներին: Սակայն, ըստ Թբիլիսիից ստացված լուրերի, Թբիլիսիի պետական ֆիլհարմոնիայի դրամարկղից վերադարձվել է մոտ 50 տոմսի գումար , իսկ տասնյակ մարդիկ դեռ սպասում են փոխհատուցման: 

72157638633025026