Երգչուհի Մարիաննա Հովհաննիսյանը և Աշտարակ գնացող ճանապարհի շքեղ տան տիրոջ` շինանյութի Սերոժի որդին` Արմանը բավականին երկար ժամանակ էր, հանդիպում էին: Այս տարի` հուլիս ամսին, պետք է կայանար նրանց հարսանիքը, սակայն զույգը բաժանվեց: Որոշ ժամանակ անց քաղաքում սկսեցին քննարկվել այս պատմության նոր մանրամասներ: Ասում են՝ բաժանության պատճառը եղել է հարսանիքի օրը դահլիճում աղջկա ծնողներին վատ տեղ հատկացնելը: Երգչուհու մայրը առանձնազրույց է ունեցել երիտասարդ փեսացուի հետ, որից հետո տղայի մայրը զանգահարել է եւ հարաբերություններ պարզել ապագա խնամու հետ: Մայրիկների վեճը զրույցով չի ավարտվել, գրում է hraparak.am-ը:
Բանը հասել է նրան, որ նշանը ետ են տվել եւ տղայի ընտանիքը ետ է պահանջել երգչուհուն հարաբերությունների ողջ ընթացքում արված բոլոր նվերները, այն էլ ցուցակով` էլ ադամանդե մատանի, էլ կոկորդիլոսի կաշվից պայուսակ: Աղջկա հայրն էլ ասել է, որ մեծ գումար է ծախսել նշանդրեքի կազմակերպման վրա եւ իր հերթին տղայի ծնողներից պահանջել է այդ գումարը: Կարճ ասած՝ կինոյի սցենար:
Հիմա, ասում են, բանը հասել է դատ ու դատաստանի:
