Սերժ և Անժելա Թանկյանները երկրորդ տարին անընդմեջ միացան Օրրանի՝ կարիքավոր ընտանիքներին ամանորյա տոներին ընդառաջ քաղցրավենիքով և սննդով լի տոպրակներ նվիրաբերելու ավանդույթին: Նրանց նվիրատվության շնորհիվ Օրրանի 215 շահառու ընտանիքներին զուգահեռ մեծաքանակ պարենամթերք ստացան ևս 212 կարիքավոր ընտանիք, որոնք ընտրվեցին Գյումրիից, Վանաձորից և հեռավոր գյուղերից: Վերոհիշյալ 212 կարիքավոր ընտանիքների ընտրության և մթերքը բաժանելու գործում իրենց ներդրումն ունեցան «Դասավանդի՛ր, Հայաստան» և «Կանանց Ռեսուրսային Կենտրոն» կազմակերպությունները:
Այս նախաձեռնությունը նպատակ է հետապնդում թեթևացնել առանց այն էլ հոգսերի տակ կքված կարիքավոր մարդկանց դրությունը և հույսի ճրագ տալ վերջիններիս՝ 2018 թվականի հանդեպ լավատեսորեն տրամադրվելու համար: