Սիրիայի շուրջ վերջին զարգացումները կապված են Ռուսաստանի ներգրավվածության հետ.այսինքն`միջազգային ասպարեզում նոր իրավիճակ է ստեղծվում: Այս մասին այսօր` լրագրողների հետ հանդիպման ժամանակ ասաց արաբագետ Հայկ Քոչարյանը.
«Ռուսաստանը բազմիցս է ասել, որ իր ազգային շահերը վտանգված տեսնելու դեպքում ընդունակ է կտրուկ գործողությունների: Սիրիայի տարածքում արդեն մոտ 30 ռուսական կործանիչներ են հայտնվել, Լաթաքիայի տարածքում 2 նոր ռազմակայան է տեղակայվել: Առաջիկայում Օբամա-Պուտին հանդիպում է տեղի ունենալու, քանի որ ԱՄՆ-ն ցանկանում է իմանալ, թե ռուսներն ինչ են ուզում Մերձավոր Արևելքում, որովհետև չեն կարող թողնել, որ Ռուսաստանը շատ ակտիվանա, բայց չեն էլ կարող դիմակայել»,-ասաց արաբագետը:
Հայկ Քոչարյանն անդրադարձավ նաև սիրիահայերի խնդրին.
«Հալեպում կիսաշրջափակված վիճակ է, ջուր չկա»,-նշեց նա:
Անի Կարապետյան
