Արդեն տեղեկացրել ենք, որ Սոնա Շահգելդյանը յութուբյան իր էջում տեղադրել է Ռուբեն Հախվերդյանի հետ կատած իր զուգերգը` «Նկար» անվանումով:
Զուգերգի ստեղծման մանրամասների և դրանց շարունակական բնույթ կրելու մասին ASEKOSE.am-ի թղթակիցը զրուցել է Սոնա Շահգելդյանի հետ.
«Դեռ տարիներ առաջ մենահամերգիս զուգերգով հանդես եմ եկել Ռուբեն Հախվերդյանի հետ: Դա ինձ համար մեծ պատիվ էր, որովհետև շատ եմ սիրում նրա տեսակը և գիտեմ, որ Ռուբենն ամեն մեկի հետ չի երգի»:
Սոնան նաև ասաց, որ զուգերգով հանդես գալու գաղափարն իրենը չի եղել.
«Նման առաջարկ հնչել է երգահան Նարինե Զարիֆյանի կողմից, ով ինձ և Ռուբեն Հախվերդյանին կապող օղակն է: Ես էլ սիրով ընդունել եմ այն: «Նկարը» արդեն զետեղվել է Ռուբենի նոր ձայնասկավառակում, սակայն այդքանով մեր համագործակցությունը չի ավարտվում: Շուտով հանդիսատեսի դատին կներկայացնենք ինչպես հին, այնպես էլ նոր ստեղծագործություններ, որոնք իրենց տեղը կգտնեն Ռուբենի արդեն մյուս ձայնասկավառակում»:
Հեղինակ՝ Անահիտ Հարությունյան
