Ավարտվեց ՀՀԿ ԳՄ նիստը, որը վարում էր ՀՀ նախագահ, ՀՀԿ նախագահ Սերժ Սարգսյանը: Նիստի ավարտից հետո ՀՀԿ խոսնակը  հայտարարեց, որ նիստում քննարկվել է սահմանային լարված իրավիճակի, սահմանադրական փոփխությունների, ՏԻՄ ընտրությունների քարոզարշավի մասին հարցեր:

Էդուարդ Շարմազանովը տեղեկացրեց, որ քննարկվել է նաև ՀՀ արդարադատության նախարարի նշանակման հարցը: Նիստին մասնակցել է նաև ՀՀԿ-ական պատգամավոր Արփինիե Հովհաննիսյանը, ում թեկնածության հարցը քննարկվել է.

«Հանրապետական կուսակցությունում դրական են տրամադրված ու դրական են գնահատում Արփինե Հովհաննիսյանի գործունեությունը։ Այսօր բացառապես քննարկել ենք նրա հարցը։ Նախագահը խորհրդակցել է գործադիր մարմնի անդամների հետ ու իր որոշումը կկայացնի»,-ասաց Էդուարդ Շարմազանովը։