Փաշինյանի ավտոշարասյան պատճառով Հանրապետության հրապարակի հարակից փողոցներում կյանքը պարալիզացվել էր
Տեսանյութը՝ Նաիրի Հոխիկյանի ֆեյսբուքյան էջից, ով նաև հետևյալ գրառումն է արել․ Հիշում ե՞ք հեծանիվով աշխատանքի գնացող, ճանապարհներ փակող պաշտոնյաներին հրեշ անվանող վարչապետին․․․
Մեկ այլ լրագրողն էլ՝ Էդիկ Անդրեասյանը գրել է․ Այսօր վարչապետի աթոռակալի պատճառով Հանրապետության հրապարակի հարակից փողոցներում կյանքը պարալիզացվել էր: Մարդիկ չէին կարողանում հասնել աշխատավայր, շատերը մնացել էին տներում, որովհետև նրանց բնակարանների մուտքերին ոստիկաններ էին կանգնած և արգելում էն փողոց դուրս գալ: Ոստիկաններին ուղղված բազմաթիվ խնդրանքներս, որ արդեն հասել եմ գործատեղս, թողնեն մի 20 մետր առաջանամ, հանդիպում էին բութ հայացքների: Վերջը մի ջահել կապիտան գլուխը մտցրեց մեքենայի մեջ ու համոզեց՝ հոպար, շրջանցիր, շառից հեռու...