Այսօր «Հայկական տեղեկատվական կենտրոն»-ը պարզաբանում է ուղղարկել մեզ՝ Asekose.am կայքում 17.11.2016 տեղադրված ««Հայկական տեղեկատվական կենտրոն»-ը տարածում է սխալ տեղեկատվություն» նյութի վերաբերյալ:
Հարգելիներս, եթե անկեղծ, մենք այս թեմայի վերաբերյալ մեր վերջնական կարծիքն ու խոսքը ասել ենք այս նյութի ներքո՝ Ձեր վարկանիշային ցուցակները փաթաթեք ու, ինչպես հայտնի սիթքոմում է ասում՝գիտեք, թե ինչ արեք....
«....խնդրում ենք հեռացնել ««Հայկական տեղեկատվական կենտրոն»-ը տարածում է սխալ տեղեկատվություն» վերնագրով նյութը, քանի որ այն վարկաբեկում է նաեւ մեր կազմակերպության հեղինակությունը»,-գրել են «Հայկական տեղեկատվական կենտրոն»-ից:
Հետաքրքիր է ոչ միայն հարցը, թե ինչ նպատակ ունի «Հայկական լրատվական կայքերի վարկանիշ» վերնագրով ամենամսյա հաղորդագրություն տարածող այս կազմակերպությունն, այլ նաև՝ թե ինչով է հայտնի ու «հեղինակավոր» այն...
Մեր ունեցած տեղեկություններով, «Հայկական տեղեկատվական կենտրոն» անունով գրանցված ընկերությանն է պատկանում այսպես կոչված «առաջատար» կայքերից մեկը, որ գրանցվել է similarweb-ում հունիսին՝ «շլացուցիչ» արդյունքով.... Այդ լուրը հաստատեց նաև «Հայկական տեղեկատվական կենտրոն»-ի աշխատակիցը, որ զանգահարել էր մեր խմբագրություն՝ ճշտելու, թե արդյոք ստացել են նրանց պարզաբանումը:
Ի դեպ, այդ կայքն, ըստ ասեկոսեների, պատկանում և սպասարկում է ՀՀԿ-ական որոշ շրջանակաների...Սակայն առայժմ փակագծերը չբացենք...
Ինչ վերաբերում է անճշտությանն՝ ամիսներ շարունակ, similarweb-ի և նրան կցված մեկ այլ հաշվիչի տվյալները համընկել են ու նույն ցուցիչն են ներկայացրել, իսկ վերջին երկու ամիսներին՝ դրանք խախտվել են...
Կամ գուցե խախտե՞լ են...
Եվ կրկին՝ եթե անկեղծ՝ ափսոս է մեր ժամանակն այս թեմային անդրադառնալու համար...
...Եվ վերջում՝ առնվազն տկարամիտ պետք է լինել դիմացինին միամիտի տեղ դնելու համար...
Իսկ այս նյութ վերնագրի համար էլ, մեր ընթերցողները, թող մեզ ներեն, ինչպես մենք ենք ներում ոմանց մեղքերը...
Հեղինակ՝
Ա.Գրիգորյան