Սկանդալային երգչուհի Լեդի Գագան այս ուրբաթ Փարիզի հայտնի ակումբներից մեկում կազմակերպել էր երեկույթ, որի հյուրերն են եղել հայտնի մոդել Քեյթ Մոսը, դիզայներ Ալեքսանդր Վանգը և ուրիշներ: Տեղեկացնենք, որ երեկոյի վերջում, երբ հյուրերն արդեն պատրաստվել են դուրս գալ ակումբից, ուշադրություն է գրավել 41-ամյա Քեյթ Մոսսը, ով հազիվ է կարողացել տեղաշարժվել: Բանն այն է, որ մոդելն ալկոհոլը չարաշահելու պատճառով չի կարողացել հագնել իր պինջակը և քայլել դեպի մեքենան: Դե իսկ այդ ամենը, բնականաբար, չի վրիպել պապարացցիների աչքից, ովքեր կարողացել են ֆիքսել այդ ամենը:
