ՈՒկրաինա զորք մտցնելը Ռուսական Ֆեդերացիայի վերջի սկիզբն է:

Պուտինը կարիք ունի կոնֆլիկտի ոչ նրա համար որ տարածք խլի ՈՒկրաինայից, այլ ռազմականացնի Ռուսաստանն ու ոտնահարի այնտեղ մարդու ծանոթ բոլոր իրավուքները դրա շղարշի տակ:Հարյուրից ավել ժողովուրդ ունեցող երկրում նացիզմի վրա հենել ամբողջ իշխանական պրոպագանդան, այդ երկիրը հարյուր մասի մասնատելու լավագույն ձևն է:Չեմ բացառում որ այս անգամ բախտներս բերեց պատմականորեն, որ ճաքը տվեց ոչ թե Կովկասում այլ ՈՒկրաինայում:

ՈՒկրաինացիների բախտը չբերեց, բայց մյուս կողմից այդ տարալուծված ցեղը ազգ որպես վերածննդի հնարավորություն է ստանում առաջին անգամ, անչափ ծանր գնով, կորուստով ու ցավով, ինչպես ցանկացած ծնունդ թերևս...

Եթե այն ինչ պատահեց ՈՒկրաինայում պատահեր, կամ պատահի Կովկասում, արյունահեղությունը կարող է սոսկալի լինել, քաղաքակիրթ աշխարհի աչքից հեռու, ռուսները կարող են լինել ավելի արնախում: Կովկասցիներն էլ...Չեմ բացառում որ Պուտինն էլ է կանխատեսել կովկասյան ավանտյուրայի վտանգավորությունն ու ելքի անկանխատեսելիությունը:

Նա Գորբաչևի օրն ընկած փորձում է փրկել իր կայսրությունը, և այդ պատճառով է պատերազմ սանձազերծում, ուրիշ տեղ պարզապես այս անգամ: Գորբաչևի նախկին փորձը մեր մոտ, վերջացավ Սովետական Միության փլուզմամբ:

Սա Կրեմլում մոռանալ չեն կարող, բայց դա չի նշանակում որ ուրիշ տեղ նույնը կրկնելը բացառում է նախկին ելքը:Ես ավելի քան համոզված եմ որ այն նույնն է լինելու:Ավելի քան, որովհետև համոզված լինելուցս բացի, անելու եմ ինձնից կախված ամեն ինչ, որ հենց այդպես լինի:

Վահե Ավետյան