Orange Fitness պրեմիում ակումբը օրեր առաջ ներկայացավ անճանաչելիորեն նորացված ինտերիերով և նորագույն ստանդարտներին համապատասխան ծառայություններով:
Ակումբը որակի իր նշաձողը բարձրացրեց անհամեմատ վերև հայաստանյան շուկայում առկա բոլոր ցուցանիշներից: Նախկին Orange-ից մնացել է միայն ջերմ և հարազատ մթնոլորտը. էկո ոճի համադրությամբ լյուքս ինտերիեր դիզայնը ստեղծում է հաճելի միջավայր նրանց համար, ովքեր ամեն ինչում ընտրում են լավագույնը:
Asekose.am-ի հետ զրույցի ընթացքում ակումբի գլխավոր տնօրեն Կարինե Փամբուկյանը նշեց. «Մենք գիտակցում ենք, որ մեզնից ավելին են պահանջում և խիստ են դատում, և դա բնական է: Եվ մենք կատարում ենք մեծ ներդրումներ, որպեսզի պահպանվի այն նշաձողը, որ մեր առջև դրել ենք. ստեղծել ակումբ, որը կմիավորի քաղաքի բոլոր հաջողակ մարդկանց: Կարճ ժամանակում կատարել ենք հսկայական փոփոխություններ, և սա դեռ ամենը չէ: Քանի որ այն փակ ակումբային կոնցեպտը, որը տեսնում ենք որպես ակումբի զարգացման ուղղություն, պահանջում է բարձր ստանդարտներ, նոր մոտեցումներ և անընդհատ կատարելագործվելու պատրաստակամություն:»
Գլխավոր տնօրենը կիսվեց նաև ակումբի վերափոխման առաջիկա պլաններով. «Վերանորոգման աշխատանքները մեծամասամբ ավարտվել են: Առաջիկայում ամբողջովին վերափոխվելու է բացօթյա լողավազանի տարածքը՝ դառնալով ցերեկային ժամերին հանգստի, իսկ երեկոյան՝ փակ երեկույթների և միջոցառումների լավագույն վայրը ակումբի անդամների համար: Ամբողջությամբ փոխվելու է ռեստորան-սրճարանը՝ պրեմիում ֆիթնես ակումբին համապատասխան առողջ և համեղ սնունդ մատուցելու ուղղվածությամբ: Վերափոխվելու է ակումբի մանկական սրահը՝ հանրահայտ CityZen բրենդի ներմուծմամբ:»
Orange-ում արդեն իսկ ձևավորվել է ներակումբային յուրօրինակ կյանք: Պարբերաբար անցկացվում են ֆուտբոլի, բասկետբոլի, վոլեյբոլի, սեղանի թենիսի մրցաշարեր, որոնց կավելացվեն բացօթյա ֆիթնես միջոցառումներ, ինչպես նաև ամբողջովին թարմացված և հետաքրքիր խմբային մարզումներ:
Կոմերցիոն տնօրեն Մարինա Անդրեասյանը Asekose.am-ի հետ խոսեց ակումբի ամենահամարձակ քայլերից մեկի մասին. «Հայաստանում ֆիթնեսի ոլորտում կատարել ենք համարձակ քայլ՝ ներդնելով «Ավելին քան ֆիթնես» կոնցեպտը, որի համար ունենք բոլոր ռեսուրսները՝ 8 տարվա փորձ, որակյալ ծառայություններ, և լոյալ ակումբի անդամներ: Ակումբն այսուհետ լինելու է միակ վայրը Հայաստանում, որտեղ միաժամանակ հնարավոր է ձեռք բերել լավ ինքնազգացողություն, անթերի արտաքին տեսք, արժեքավոր բիզնես կապեր և լավ ընկերներ»:
Կոմերցիոն տնօրենը նշեց, որ ակումբն արդեն սկսել է աշխատել նոր քաղաքականությամբ. «Քանի որ մեր հաճախորդների թիվն արդեն հասնում է սահմանված առավելագույնին, պլանավորում ենք քարտերի վաճառքն աստիճանաբար սահմանափակել և նոր անդամագրությունն իրականացնել միայն գործող անդամներից որևէ մեկի պայմանագրի դադարեցման դեպքում: Անդամակցության նախապատվությունն առաջին հերթին տրվելու է ակումբի անդամների մտերիմներին՝ ջերմ ընկերական և ընտանեկան միջավայր ապահովելու համար: Այս պահին աշխատանքներ են տարվում ընկերության մենեջմենթի, սպասարկման ստանդարտների կատարելագործման և անձնակազմի վերապատրաստման ուղղությամբ, որպեսզի լիովին համապատասխանենք այն նշաձողին, որ մեր առջև դրել ենք:»
Orange Fitness-ը Հայաստանում ձևավորեց ֆիթնես պահանջմունք, իսկ այժմ ներդնում է համաշխարհային ֆիթնեսի ոլորտում հարգի «Ավելին, քան ֆիթնես» կոնցեպտը. թվում է՝ էլ ոչինչ չմնաց ներդնելու…