Հայաստանում նոր աղանդ է ի հայտ եկել, որի ներկայացուցիչները բացառապես կանայք են: Աղանդը կոչվում է «արևաբուժություն»: Այս մասին ASEKOSE.am-ի թղթակցի հետ զրույցում ասաց ՄԵԼ համանախագահ Սևակ Հովհաննիսյանը:
Նրա խոսքով՝ աղանդի ղեկավարը ներկայանում է Կիմա անունով:
Այս պահի դրությամբ ներգրավված են ավելի քան 30 կանայք:
Մեր զրուցակցի խոսքով՝ աղանդի հավաքներին մասնակցելու համար հարկավոր է նախևառաջ «հյուրասիրվել» Կիմայի պատրաստած թեյով, որը յուրահատուկ բաժակի մեջ է մատուցվում: Սակայն դեռևս պարզ չէ բաժակների պարունակությունը:
Նոր աղանդը թուրքերի հետ եղբայրություն է քարոզում՝ նշելով, որ նրանց հետ պետք է քույր ու եղբայրներ լինել:
«Ըստ մեզ հասած տեղեկությունների՝ իրենք անմիջապես ֆինանսավորովում են Թուրքիայի կողմից»,- ասաց Սևակ Հովհաննիսյանը:
Ըստ տեղեկությունների՝ նաև կանանց արտաամուսնական հարաբերություններ են քարոզում, սեռական ազատ հարաբերություններ՝ ինֆորմացիա ստանալու նպատակով:
Ինչ վերաբերում է աղանդի անվանմանը, ապա այն այնպես է ընտրված, որ կասկած չհարուցի: Սակայն, Սևակ Հովհաննիսյանի խոսքով՝ եթե անգամ այն բուժման նպատակով լիներ, կրոնական թեմաներով քարոզներ չէին լինի:
