Արդեն տեղեկացրել ենք, որ փետրվարի 22-ի տեղի է ունենալու «Զարուհի» ամսագրի կողմից կազմակերպված ամենամյա Միսս և Միստր Z մանկական մրցանակաբաշխությունը.
Այն արդեն 3-անգամ է անցկացվում և ըստ կազմակերպիչների՝ տարբերվում է մյուս նմանիպ մրցանակաբաշխություններից նրանով, որ այստեղ չկան պարտված երեխաներ:
Մրցույթին մասնակցելու համար երեխաները, թերևս տվյալ դեպքում նրանց ծնողները, պետք է ամսագրի խմբագրություն ուղարկեն իրենց 0-10 տարեկան երեխաների նկարները, իսկ հաղթողները որոշվում են sms քվեարկության շնորհիվ.
«Նախորդ տարի մեզ մոտ բաց քվեարկություն էր, և համացանցի ցանկացած օգտատեր կարող էր հետևել քվեարկության ընթացքին, ինչպես նաև մեկնաբանություն թողնել: Սակայն տեսնելով, որ քվեարկությունը վերածվում էր վեճի՝ մենք փոխեցինք դրա ձև»,- Asekose.am-ի թղթակցի հետ զրույցում նշեց «Զարուհի» ամսագրի պատասխանատու-խմբագիր Լիլիթ Եղիազարյանը:
Ըստ Լիլիթի՝ իրենք որպես կազմակերպիչներ հետևում են, որ մրցույթը որևէ բացասական ազդեցություն չունենա երեխաների հոգեբանության վրա: Այդ պատճառով մրցանակաբաշխության ժամանակ չկան գլխավոր մրցանակներ, բոլոր երեխաներն էլ ստանում են պարգևներ.
«Ամեն ամիս մենք ստանում ենք բազմաթիվ լուսանկարներ, որոնցից ամենաշատ ձայն հավաքած 4 լուսանկարների երեխաները համարվում են հաղթողներ և ներգրավվում են ամենամյա մրցանակաբաշխությանը: Այս տարի մենք ունենք 35 հաղթող»:
Պետք է նշել, որ երեխաները մրցանակաբաշխության գլխավոր հովանավոր` Mybook.am-ի կողմից ստացել են գրքեր, որոնց գլխավոր հերոսները հենց մասնակից երեխաների տեսքով են: Բոլոր մասնակիցներին նաև տրվել են U can մոդելային ստուդիո կողմից ֆոտոսեսիայի մասնակցելու զեղչի քարտեր:
Ի դեպ, երեխաների համար անակնկալ էր նաև այն, թե ովքեր են հանձնում մրցանակները.
«Երբ նոր էիք սկսում մրցանակաշխությունը, այն հանձնում էր միայն Նազենի Հովհաննիսյանը: Այսօր մեզ հետ են Կարեն Գրիգորյանը, Աիդա Սարգսյանը, Մարիաննա Մխիթարյանը, Թեհմինե Խաչատրյանը, ինչպես նաև Սեդա Սերոբյանը, ինչի համար շնորհակալ ենք նրանց: Պետք է նշել, որ Աիդա Սարգսյանի և Թեհմինե Խաչատրյանի երեխաները մեր նախորդ տարվա հաղթողներից են: Մենք աշխատում ենք ընդգրկել նաև հանրային դեմքերի երեխաներին»:
Երգահան Կարեն Գրիգորյանը Asekose.am-ի թղթակցի հետ զրույցում ասաց, որ առհասարակ չի սիրում նմանատիպ մրցույթներ. «Իմ կարծիքով դրանք կարող են վնասել երեխային, սակայն այս մրցանաբաշխությանը մասնակցում եմ մեծ սիրով, որովհետև այն չի արվում դասական ձևով և բոլոր փոքրիկները հեռանում են մրցանակներով»:
Իսկ դերասանուհի Մարիաննա Մխիթարյանի խոսքերով՝ այս մրցանակաբախշությունն օգնում է երեխաներին հասկանալ, որ իրենք սովորական երեխաներ չեն: Եվ եթե դրանք խաղ են հիշեցնում, ապա նույնիսկ անհրաժեշտ են երեխաներին:
Նույն կարծիքին էր նաև երգչուհի Աիդա Սարգսյանը.
«Եթե ամեն բան արվում է երեխաների ժամանցի համար, ապա դրա կողմակիցն եմ, քանի որ երեխաներն ուրախանում են, պարում, այլ ոչ թե միմյանց հետ մրցակցում»:
Հիշեցնենք, որ Միսս և Միստր Z մանկական մրցանակաբաշխության ինֆորմացիոն հովանավորներն են`
asekose.am, glancejournal.com, aad.am, iravunk.com,newsroyal.com:
72157641366008193
