Ադրբեջանի ԱԳ նախարար Էլմար Մամեդյարովն արձագանքել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի ելույթին: Այս մասին գրում է ադրբեջանական «ԱՊԱ» գործակալությունը: Անդրադառնալով Ուորլիքի 6 շեշտադրումներին՝ Մամեդյարովն ասել է, որ Ադրբեջանը կողմ է հակամարտության խաղաղ կարգավորմանը:
«Ներկայիս ստատուս-քվոն անընդունելի է: Անընդունելի է հենց հայերի համար: Նրանց երկրում զարգացում չկա, փոխարենը կան խնդիրներ: Կոչ ենք անում հայկական կողմին միասին լուծում տալ խնդրին»,-նշել է մամեդյարովը:
Ուորլիքի հայտարարությանն արձագանքել է նաև Ադրբեջանի միլի մեջլիսի փոխխոսնակ Բահար Մուրադովան՝ մասնավորապես նշելով.
«Ես կարծում եմ, որ Ջեյմս Ուորլիքի առաջ քաշած պայմաններն արտահայտում են ԱՄՆ-ի վերաբերմունքը՝ հակամատրությանը: Հուսանք՝ այս հարցում ԱՄՆ-ի դիրքորոշումը չի փոխվի»:
Հիշեցնենք, որ ԼՂՀ ԱԳՆ-ն արդեն արձագանքել է Ջեյմս Ուորլիքի հայտարարությանը, իսկ ՀՀ ԱԳՆ-ն դեռ լռում է:
